स्काई गोल्स शीर्ष चारको होडबाट बाहिर

पोखरा । राष्ट्रिय 'ए' डिभिजन फुटसल लिगमा ढुकु फुटसल हबले मछिन्द्र स्काई गोल्सलाई पराजित गरेको छ ।

पोखराको बहूदेशीय कभर्डहलमा आइतबार ढुकुले मछिन्द्र स्काईलाई ७-५ गोल अन्तरले पराजित गरेको हो ।

ढुकुको जितमा बिक्रान्त नरसिंह राणाले चार गोल गरे । अमित लामा, उर्केन शेर्पा र प्रसिद्ध मगरले एक एक गोल गरे ।

मछिन्द्र स्काईका अमित तामाङले दुई गोल गरे । सन्जोग चाम्लिङ, आशिष सुनाम र मनोज राईले एक एक गोल गरे ।

खेलको म्यान अफ दि म्याच ढुकुका बिक्रान्त चुनिए  ।  

यस जितसँगै ढुकुले ८ खेलमा १० अंक जोडेको छ । शीर्ष चारबाट बाहिरिसकेको ढुकु सातौं स्थानमा रहेको छ ।

मछिन्द्र स्काई १० अंक जोडेर पाँचौं स्थानमा रहेको छ । यस हारले मछिन्द्र स्काईको  पनि शीर्ष चारको सम्भावना सकिएको छ ।