पोखरा । राष्ट्रिय 'ए' डिभिजन फुटसल लिगमा आज आइतबार तीन खेलहरु हुँदैछ ।
पोखराको बहूदेशीय कभर्डहलमा हुने पहिलो खेलमा ढुकु फुटसल र मछिन्द्र स्काई गोल्सबीच प्रतिस्पर्धा हुनेछ ।
उपाधि दाबेदार मानिएको ढुकुले आशा गरे अनुसार प्रदर्शन गर्न सकेको छैन ।
ढुकु फुटसल ७ खेलमा ७ अंक जोडेर सातौं स्थानमा रहेको छ । मछिन्द्रविरुद्ध गोलकिपर तथा कप्तान सुमित कुमार आले, रेवोस मास्के, विक्रान्त नरसिंह राणा, अमित लामा र प्रसिद्ध मगर मुख्य खेलाडी हुने छन् ।
मछिन्द्र स्काई आज ढुकुलाई हराउँदै शीर्ष चारको सम्भावना बलियो बनाउन चाहन्छ ।
मछिन्द्र ७ खेलमा १० अंक जोडेर पाँचौ स्थानमा रहेको छ । मछिन्द्र बाँकी दुई खेल
दोस्रो खेलमा सबिन मेमोरियल एफसी र प्रभातफेरी युथ क्लबबिच प्रतिस्पर्धा हुनेछ ।
सबिन ७ खेलमा १० अंक जोडेर छैटौं स्थानमा रहेको छ । सबिनका प्रशिक्षक राजेन्द्र तामाङले आफुहरु उपाधि होडमा नरहेको तर उत्कृष्ट खेल्ने योजना रहेको बताए ।
प्रभातफेरी ७ अंक जोडेर आठौं स्थानमा रहेको छ । सबिनलाई हराएर प्रभातफेरी रेलिगेसनबाट जोगिने योजनामा रहेको छ ।
आइतबारको अन्तिम दिन संखमुल फुटसलले झरना फुटसलसँग प्रतिस्पर्धा गर्नेछ ।
संखमुल ७ खेलमा १७ अंक जोडेर तेस्रो स्थानमा रहेको छ । संखमुल अपराजित रहने दोस्रो टिम हो ।
पुछारको झरना भने पहिलो जित निकाल्न चाहन्छ । झरनाले ७ खेलमा ७ हार व्यहोरेको छ ।
