काठमाडौं । बागमती प्रदेश जिल्ला स्तरीय महिला तथा पुरुष सेभेन ए साइड बागमती सेभेन्स रग्बी प्रतियोगिता आयोजना हुने भएको छ ।
नेपाल रग्बी संघले शुक्रबार पत्रकार सम्मेलन गर्दै प्रतियोगिता असोज १६ गते हुने जनाएको छ ।
प्रतियोगिता भक्तपुरको मध्यपुर युथ फुटबलको मैदानमा आयोजना हुनेछ ।
प्रतियोगितामा बागमती प्रदेशका पुरुषतर्फ ७ जिल्ला र महिलामा ३ जिल्लाको सहभागिता रहने छ ।
पुरुष तर्फ काठमाडौं, नुवाकोट, काभ्रे, चितवन, मकवानपुर, रामेछाप र भक्तपुर रहेका छन् । यस्तै महिला तर्फ मकवानपुर, काठमाडौं र नुवाकोट जिल्ला रहेका छन् । खेल सिंगल राउण्ड रोबिनको आधारमा हुनेछ ।
पुरुष तर्फको विजेताले १५ हजार पाउँदा उपविजेताले १० हजार पाउनेछ । यस्तै महिला तर्फको विजेताले १० हजार प्राप्त गर्दा उपविजेताले ५ हजार पाउने आयोजक बागमती रग्बी सेभेन्सले बताएको छ ।
उत्कृष्ट पुरुष तथा महिला खेलाडीले ५ हजार पाउनेछन् ।
राष्ट्रिय टिम निर्माणका लागि आयोजना गर्न लागिएको यस प्रतियोगिता अन्य प्रदेशमा समेत संचालन गरिनेछ ।
