सोमपाल टिममा अटेनन्

काठमाडौं। नेपाली राष्ट्रिय टोलीका पेसर सोमपाल कामी टोलीबाट बाहिरिएका छन्।

नेपाल क्रिकेट संघ (क्यान)ले सोमबार टप इन्ड टी–२० प्रतियोगिता, त्यसपछि अस्ट्रेलियामै साउथ अस्ट्रेलिया‚ तास्मानिया र न्युजिल्यान्ड ‘ए’विरुद्ध मैत्रीपूर्ण सिरिज र एसीसी प्रिमियर कप खेल्ने दुई टोली घोषणा गरेको छ।

टप इन्ड टी–२० प्रतियोगिता, त्यसपछि अस्ट्रेलियामै साउथ अस्ट्रेलिया‚ तास्मानिया र न्युजिल्यान्ड ‘ए’विरुद्ध मैत्रीपूर्ण सिरिजमा क्यानले ‘ए’ टोली पाउने छ। उक्त टोलीको कप्तानी अनिलकुमार साहले गर्नेछन्। एसीसी प्रिमियर कपमा भने सन्दीप लामिछानेले कप्तानी गर्नेछन्।

तर, अस्ट्रेलिया र मलेसियामा हुने दुवै प्रतियोगितामा सोमपाल अटाउन सकेनन्।