पोखरा । ढुकु फुटसल हबले राष्ट्रिय 'ए' डिभिजन फुटसल लिगमा जित निकालेको छ ।
पोखराको बहूदेशीय कभर्डहलमा बिहीबार भएको खेलमा ढुकुले लुम्बिनी फुटसललाई ५-२ गोल अन्तरले हराएको हो ।
ढुकुको जितमा प्रसिद्ध मगर र विक्रान्त नरसिंह राणाले २/२ गोल गरे । अभय राणाले एक गोल थपे ।
लुम्बिनीका अनोज गैरेले दुई गोल फर्काए ।
खेलमा ढुकुका विक्रान्त म्यान अफ दि म्याच चुनिए ।
यस जितसँगै ढुकुले ७ खेलमा ७ अंक जोडेको छ ।
ढुकु सातौं स्थानमा रहेको छ ।
लुम्बिनी ४ अंक जोडेर पुछारबाट दोस्रो स्थानमा रहेको छ ।
यस हारसँगै लुम्बिनीको शीर्ष चारको यात्रा सकिएको छ ।
जारी लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
