पोखरा । मछिन्द्र स्काई गोल्स फुटसलले राष्ट्रिय 'ए' डिभिजन फुटसल लिगमा संघर्षपूर्ण जित निकालेको छ ।
पोखराको बहूदेशीय कभर्डहलमा बुधबार भएको खेलमा स्काई गोल्सले प्रभातफेरी युथ क्लबलाई ४-३ गोल अन्तरले हराएको हो ।
स्काई गोल्सको जितमा श्री कृष्ण श्रेष्ठले दुई गोल गरे । निर्मल गुरुङको नाममा एक गोल रह्यो ।
प्रभातफेरीका सन्तलाल गुरुङले एक आत्मघाती गोल गरे ।
प्रभातफेरीका विशाल सारु मगरले दुई गोल गर्दा अखिलेश कार्कीले एक गोल गरे ।
खेलमा स्काई गोल्सका लक्ष्मण थापा म्यान अफ दि म्याच चुनिए ।
यस जितसँगै स्काई गोल्स छैटौं स्थानमा उक्लिएको छ ।
स्काई गोल्सले ६ खेलमा ९ अंक जोडेको छ ।
प्रभातफेरी ४ अंक जोडेर आठौं स्थानमा रहेको छ ।
जारी लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
