पोखरा । स्पोर्ट्स क्यासल पोखराले राष्ट्रिय 'ए' डिभिजन फुटसल लिगमा झरना स्पोर्ट्स क्लबलाई पराजित गरेको छ ।
पोखराको बहूदेशीय कभर्डहलमा बुधबार भएको खेलमा स्पोर्ट्स क्यासलले झरनालाई ५-१ गोल अन्तरले हराएको हो ।
स्पोर्ट्स क्यासलको जितमा खिम राज गुरुङले दुई गोल गरे । यस्तै विजय गुरुङ, भिसन गुरुङ र किशोर गुरुङले एक एक गोल गरे ।
झरनाका नारायण थापा मगरले एक गोल फर्काए ।
खेलमा स्पोर्ट्स क्यासलका विजय गुरुङ म्यान अफ दि म्याच चुनिए ।
यस जितसँगै स्पोर्ट्स क्यासल शीर्ष स्थानमा उक्लिएको छ ।
स्पोर्ट्स क्यासलले ६ खेलमा १६ अंक जोडेको छ ।
झरनाको यो लगातार छैटौं हार हो ।
अंक विहीन झरनाको शीर्ष चारको सम्भावना समेत सकिएको छ ।
जारी लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
