फुटसल फाइभद्वारा सबिन मेमोरियल पराजित
पोखरा । फुटसल फाइभ धरानले राष्ट्रिय 'ए' डिभिजन फुटसल लिगमा सबिन मेमोरियल एफसीलाई पराजित गरेको छ ।
पोखराको बहूदेशीय कभर्डहलमा मंगलबार भएको खेलमा फुटसल फाइभले सबिनलाई ५-४ गोल अन्तरले हराएको हो ।
फुटसल फाइभको जितमा प्रवेश जोशी र विजय श्रेष्ठले २/२ गोल गरे । रञ्जित गुरुङको नाममा एक गोल रह्यो ।
सबिनका लागि अविनाश तामाङले दुई गोल गरे । मनोज गुरुङ र अनुप राना मगरले एक एक गोल गरे ।
खेलमा फुटसल फाइभका विजय श्रेष्ठ म्यान अफ दि म्याच चुनिए ।
यस जितसँगै फुटसल फाइभले ६ खेलमा ११ अंक जोडेको छ ।
फुटसल फाइभ चौंथो स्थानमा रहेको छ ।
सबिन १० अंक जोडेर पाँचौ स्थानमा रहेको छ ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
-1759666509639.jpg&w=3840&q=75)
