पोखरा । स्पोर्ट्स क्यासल पोखरा राष्ट्रिय 'ए' डिभिजन फुटसल लिगको शीर्ष स्थानमा उक्लिएको छ ।
पोखराको बहूदेशीय कभर्डहलमा सोमबार भएको खेलमा मछिन्द्र स्काई गोल्सलाई ८-३ गोल अन्तरले पराजित गर्दै स्पोर्ट्स क्यासल शीर्ष स्थानमा उक्लिएको हो ।
स्पोर्ट्स क्यासलको जितमा खिम राज गुरुङ र सुमित श्रेष्ठले २/२ गोल गरे ।
दिपेश घले, किशोर गुरुङ, बिजय गुरुङ र भिसन गुरुङले एक एक गोल गरे ।
स्काई गोल्सका लागि रोशन अधिकारी र मनोज राईले एक एक गोल फर्काए । स्पोर्ट्सका योगेश गुरुङले एक आत्मघाती गोल गरे ।
यस जितसँगै शीर्ष स्थानमा उक्लिएको स्पोर्ट्स क्यासलले ५ खेलमा १३ अंक जोडेको छ ।
स्काई गोल्स ५ खेलमा ६ अंक जोडेर छैटौं स्थानमा रहेको छ ।
स्पोर्ट्स क्यासलका सुरुज गुरुङ म्यान अफ दि म्याच चुनिए ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
