पोखरा । राष्ट्रिय 'ए' डिभिजन फुटसल लिगमा प्रभातफेरी युथ क्लबले लुम्बिनी फुटसललाई पराजित गरेको छ ।
पोखराको बहूदेशीय कभर्डहलमा सोमबार भएको खेलमा प्रभातफेरीले लुम्बिनीलाई ६-१ गोल अन्तरले पराजित गरेको हो ।
प्रभातफेरीको जितमा धिरज जोशी, सन्तलाल गुरुङ, विशाल सारु मगर, सृजेश पुरी, आशिष दंगाल र सुबिल श्रेष्ठले एक एक गोल गरे ।
लुम्बिनीका रुपन बराइलीले एक गोल फर्काए ।
प्रभातफेरीका विशाल म्यान अफ दि म्याच चुनिए ।
यस जितसँगै प्रभातफेरीले ५ खेलमा ४ अंक जोडेको छ ।
लुम्बिनीले ५ खेलमा ४ अंक नै जोडेको छ ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
