पोखरा । राष्ट्रिय 'ए' डिभिजन फुटसल लिगमा धरानको फुटसल फाइभले झरना स्पोर्ट्स क्लबलाई पराजित गरेको छ ।
पोखराको बहूदेशीय कभर्डहलमा सोमबार भएको खेलमा फुटसल फाइभले झरनालाई ९-५ गोल अन्तरले पराजित गरेको हो ।
फुटसल फाइभको जितमा सन्दीप कार्कीले ह्याट्रिकसहित ४ गोल गरे । रन्जित गुरुङले दुई तथा सुजन खड्का, निरभ खड्का र विश्वजित राईले एक एक गोल गरे ।
झरनाका नारायण थापा मगरले ह्याट्रिक पूरा गरे । गंगा गुरुङले दुई गोल थपे ।
खेलमा फुटसल फाइभका सन्दीप कार्की म्यान अफ दि म्याच चुनिए ।
यस जितसँगै फुटसल फाइभ शीर्ष पाँचमा उक्लिएको छ ।
फुटसल फाइभले ५ खेलमा ८ अंक जोडेको छ ।
झरनाको यो लगातार पाँचौं हार हो ।
पुछारको झरनाले अंक जोड्न सकेको छैन ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
