पोखरा । राष्ट्रिय 'ए' डिभिजन फुटसल लिगमा संखमुल फुटसलले ढुकु फुटसल हबलाई पराजित गरेको छ ।
पोखराको बहूदेशीय कभर्डहलमा आइतबार भएको खेलमा संखमुलले ढुकुलाई ६-२ गोल अन्तरले पराजित गरेको हो ।
संखमुलको जितमा सुसन श्रेष्ठले दुई गोल गरे । जेनिस प्रजापति, अरुज सिंह, मणि लामा र क्रिजल खड्काले एक एक गोल गरे ।
ढुकुका सुब्रत नर सिंह राणा र अमित लामाले एक एक गोल गरे ।
खेलमा संखमुलका क्रिजल म्यान अफ दि म्याच चुनिए ।
यस जितसँगै संखमुल तालिकाको शीर्ष स्थानमा उक्लिएको छ ।
संखमुलले ५ खेलमा ११ अंक जोडेको छ ।
ढुकु ४ अंक जोडेर सातौं स्थानमा रहेको छ ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
