पोखरा । राष्ट्रिय 'ए' डिभिजन फुटसल लिगमा प्रभातफेरी यूथ क्लब र ढुकु फुटसल हबले बराबरी खेल्दै अंक बाडेको छ ।
पोखराको बहूदेशीय कभर्डहलमा शुक्रबार प्रभातफेरी र ढुकुले ४-४ गोलको बराबरी खेलेको हो ।
प्रभातफेरीका धिरज जोशी, सृज्वस पुरी, सन्त लाल गुरुङ र धिरज श्रेष्ठले एक एक गोल गरे ।
ढुकुका विक्रान्त नरसिंह राणाले दुई गोल गरे । सुमन तामाङ र अभय रानाले एक एक गोल गरे ।
प्रभातका धिरज जोशी प्लेयर अफ दि म्याच चुनिए ।
यस बराबरसँगै प्रभातफेरीले ४ खेलमा १ अंक जोडेको छ ।
ढुकुले ४ खेलमा ४ अंक जोडेको छ ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
