पोखरा । राष्ट्रिय 'ए' डिभिजन फुटसल लिगमा सबिन मेमोरियल एफसीले जित निकालेको छ ।
पोखराको बहूदेशीय कभर्डहलमा शुक्रबार झरना स्पोर्ट्स क्लबलाई ७-१ गोल अन्तरले पराजित गर्दै सबिनले तेस्रो जित निकालेको हो ।
सबिनको जितमा अविनाश तामाङले ह्याट्रिक गोल गरे । मनिस सेढाईले दुई तथा मनोज गुरुङ र सुनिल बिकेले एक एक गोल गरे ।
झरनाका जितेश गुरुङले एक गोल फर्काए ।
खेलमा सबिनको अविनाश प्लेयर अफ दि म्याच चुनिए ।
जितसँगै सबिनले ४ खेलमा ९ अंक जोडेको छ । सबिन शीर्ष स्थानमा उक्लिएको छ ।
झरनाको यो चौंथो हार हो ।
लिगमा १० टिमले प्रतिस्पर्धा गरिरहेका छन् ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
