पोखरा । राष्ट्रिय 'ए' डिभिजन फुटसल लिगमा सबिन मेमोरियल एफसीले दोस्रो जित निकालेको छ ।
पोखराको बहूदेशीय कभर्डहलमा बिहीबार मछिन्द्र स्काई गोल्सलाई ३-२ गोल अन्तरले पराजित गर्दै सबिन मेमोरियलले दोस्रो जित निकालेको हो ।
सबिनको जितमा अविनाश तामाङले दुई गोल गरे । भर्देन लामाले एक गोल गरे ।
स्काईका आशिस सुनामले दुई गोल गरे । उनले खेलमा रातो कार्ड समेत पाएका थिए ।
यस जितसँगै सबिनले ३ खेलमा ६ अंक जोडेको छ । सबिन मेमोरियल लिगको दोस्रो स्थानमा उक्लिएको छ ।
स्काईले ३ खेलमा ३ अंक जोडेको छ ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
