पोखरा । धरानको द राइजिङ क्लबले राष्ट्रिय 'ए' डिभिजन फुटसल लिगमा लगातार दोस्रो जित निकालेको छ ।
पोखराको बहूदेशीय कभर्डहलमा सोमबार भएको खेलमा प्रभातफेरी युथ क्लबलाई ११-६ गोल अन्तरले पराजित गर्दै राइजिङले दोस्रो जित निकालेको हो ।
राइजिङको जितमा रेवोस मास्के र बिकु तामाङले ३/३ गोल गरे । यस्तै मिलन राईले दुई गोल गर्दा मिलन लिम्बु, दोर्जी तामाङ र सुदिप गुरुङले एक एक गोल गरे ।
प्रभातफेरीका धिरज श्रेष्ठले दुई गोल गरे । धिरज जोशी, राज पौडेल, सृजन पुरी र सिजन गुरुङले एक एक गोल गरे ।
राइजिङका बिकु प्लेयर अफ दि म्याच चुनिए ।
जितसँगै राइजिङले २ खेलमा ६ अंक जोडेको छ । राइजिङ शीर्ष स्थानमा रहेको छ ।
पहिलो खेलमा राइजिङले स्काई गोल काठमाडौंलाई ५-४ गोल अन्तरले पराजित गरेको थियो ।
प्रभातफेरीको यो लगातार दोस्रो हार हो । पहिलो खेलमा प्रभातफेरी स्पोर्ट्स क्यासल पोखरासँग ७-० ले पराजित भएको थियो ।
प्रभातफेरी अंक विहीन रहदै पुछारमा रहेको छ ।
लिगमा १० टिमको सहभागिता रहेको छ ।
आजै हुने दोस्रो खेलमा स्पोर्ट्स क्यासल पोखरा र प्रभातफेरी युथ क्लबबीच प्रतिस्पर्धा हुनेछ ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
-1732413260.jpg)
