पोखरा । स्पोर्ट्स क्यासल पोखराले राष्ट्रिय 'ए' डिभिजन फुटसल लिगमा विजयी सुरुवात गरेको छ ।
पोखराको बहूदेशीय कभर्डहलमा शनिबार भएको खेलमा प्रभातफेरी युथ क्लबलाई ७-० गोल अन्तरले पराजित गर्दै स्पोर्ट्स क्यासलले सुखद सुरुवात गरेको हो ।
स्पोर्ट्स क्यासलको जितमा सुमित श्रेष्ठ र खिम राज गुरुङले २/२ गोल गरे ।
यस्तै विजय गुरुङ, दिपेश घले र किशोर गुरुङले एक एक गोल गरे ।
यस अघि उद्घाटन खेलमा धरानको द राइजिङ क्लबले स्काई गोल काठमाडौंलाई ५-४ गोल अन्तरले पराजित गरेको थियो ।
राइजिङको जितमा रेवोस मास्केले दुई गोल गरे । यस्तै मिलन लिम्बु, दोर्जे तामाङ र सुदिप गुरुङले एक एक गोल गरे ।
स्काईका श्री कृष्ण श्रेष्ठले ह्याट्रिक गोल गरेपनि टिमको हार टार्न सकेनन् ।
यस्तै आसिश सुनामको नाममा एक गोल रह्यो ।
लिगमा १० टिमको सहभागिता रहेको छ ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ । म्यान अफ दि म्याचले ५ हजार पाउने छन् ।
एन्फाले यस प्रतियोगिताबाट नेपालको राष्ट्रिय फुटसल टोली चयन गरिने जनाएको छ ।
उक्त टोलीले एएफसी फुटसल एसियन कप छनोट प्रतियोगिता खेल्ने छन् ।
-1732413260.jpg)
