काठमाडौं । राष्ट्रिय 'ए' डिभिजन फुटसल लिग प्रतियोगिताको सम्पूर्ण तयारी पूरा भएको छ ।
अखिल नेपाल फुटबल संघ (एन्फा) को फुटसल कमिटिले शुक्रबार पत्रकार सम्मेलन गर्दै सम्पूर्ण तयारी पूरा भएको जनाएको छ ।
यस्तै कार्यक्रममा सहभागी टिमका कप्तान र प्रशिक्षकले उपाधि जित्नका लागि खेल्ने बताएका छन् ।
पोखराको बहूदेशीय कभर्डहलमा हुने फुटसल लिग भोलि शनिबारबाट सुरु हुनेछ ।
लिगको उद्घाटन खेलमा द राइजिङ क्लब धरान र स्काई गोल काठमाडौंबीच प्रतिस्पर्धा हुनेछ ।
पहिलो दिन नै दोस्रो खेलमा स्पोर्ट्स क्यासल पोखरा र प्रभातफेरी युथ क्लबबीच प्रतिस्पर्धा हुनेछ ।
लिगमा १० टोलीको सहभागिता रहेको छ ।
फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।
एन्फाले यस प्रतियोगिताबाट नेपालको राष्ट्रिय फुटसल टोली चयन गरिने जनाएको छ ।
उक्त टोलीले एएफसी फुटसल एसियन कप छनोट प्रतियोगिता खेल्ने छन् ।
-1732413260.jpg)
