काठमाडौं । वडा ४ ले नवौं कीर्तिपुर नगरव्यापी अन्तर वडा पुरुष÷महिला बास्केटबल प्रतियोगिताको महिलामा सफलता पाएको छ ।
कीर्तिपुर बास्केटबल संघद्वारा आयोजित प्रतियोगितामा वडा ४ ले वडा ३ लाई ४७–२२ को फराकिलो अन्तरले पराजित गर्यो । वडा ४ को जितमा मुना महर्जनले २० अंक योगदान गरिन् ।
कीर्तिपुरको नयाँबजारस्थित कभर्डहलमा भइरहेको प्रतियोगिताको पुरुषमा वडा २ र वडा ७ ले जित हात पारे ।
नरेश महर्जनको १८ अंक सहयोगमा वडा २ ले वडा ८ लाई ७६–७४ को साँघुरो अन्तरले हरायो । वडा ७ ले वडा ४ लाई ६४–५१ ले पन्छायो । विजयी टिमका लागि अभिषेक सिंहले सर्वाधिक ३८ स्कोर गरे ।
प्रतियोगिताको पुरुषमा १२ र महिलामा ५ टिमको सहभागिता रहेको छ ।
लिग कम नकआउट आधारमा भईरहेको प्रतियोगिताको विजेतालाई नगद पुरस्कारको व्यवस्था रहेको आयोजकले जनाएको छ।
-1732413260.jpg)
