स्वदेश फर्किए पारालिम्पिक टिम

काठमाडौं । जापानमा जारी टोकियो पारालिम्पिक खेलकुदमा सहभागिता जनाएको नेपाली टिम आज आइतबार स्वदेश फर्किएका  छन्।

नेपाली पारालिम्पिक टिम साँझ ७ :३५ मा नेपाल आईपुगेका हुन् । नेपाली टोलीलाई पारा तेक्वान्दोका पदाधिकारी र तेक्वान्दो संघका पदाधिकारीले स्वागत गरेका थिए ।

टोकियो पारालिम्पिकमा नेपालकी पारा तेक्वान्दो खेलाडी पलेशा गोवर्धनले प्रतिस्पर्धा गरेकी थिइन्।

पलेशाले के ४४ क्याटगोरी अन्तर्गत महिला ५८ केजीमुनि तौलसमूहमा प्रतिस्पर्धा गरेकी थिइन् ।  तर, पलेशा ऐतिहासिक कास्य पदक जित्न असफल भएकी थिइन्।

रिपिचेजको फाइनलमा पलेशा चीनकी युजी लीसँग पराजित भएकी थिइन् ।

पारालिम्पिकका लागि ६ सदस्यीय नेपाली टिम जापान गएका थिए ।