शंखमुल फुटसललाई कुजु नेपालको प्रायोजन

काठमाडौं। राष्ट्रिय 'ए' डिभिजन फुटसल लिगको तयारीमा रहेको शंखमुल फुटसललाई कुजु नेपाल प्रालिले प्रायोजन गरेको छ ।

शंखमुल फुटसलले कुजु नेपालसँग मुख्य प्रायोजन सम्झौता पत्रमा हस्ताक्षर गरेको छ ।

एन्फा फुटसलका प्रमुख विनोद गुरुङको उपस्थितिमा कुजु नेपालका निर्देशक उमिद श्रेष्ठ, सम्राट पाण्डे र शंखमुल फुटसलका प्रमुख निर्देशक नरेश अवालेले सम्झौता पत्रमा हस्ताक्षर गरेका छन् ।

संझौतासँगै कुजु नेपालले शंखुमल फुटसललाई २ लाखनगद सहित अन्य आवश्यक सामाग्री उपलब्ध गराउने छ ।

कार्यक्रममा कुजु नेपालले प्रायोजन गरेको खेलाडीले लगाउने जर्सी समेत सार्वजनिक गरिएको थियो । 

जु नेपाल प्रा.लि.अन्तर्गत दरबारमार्गमा रहेको ओपिएम रेष्टुरेण्ट, डि.एफ.एस.के मोटर्स.र याडिया प्रिमियम इलेक्ट्रिक स्कुटर सञ्चालनमा रहेका छन् ।

 कुजु नेपालले सन २०१८ देखि नेपाली बजारमा चाइनिज ब्राण्ड डि.एफ.एस.के का कार र यही सालदेखि याडिया प्रिमियम इलेक्ट्रिक स्कुटर विक्री वितरण गरिरहेको छ ।

पोखरामा आयोजना हुने फुटसल लिग असोज २ गतेदेखि असोज २३ गतेसम्म आयोजना हुनेछ ।  शंखमुल राष्ट्रिय लिग च्याम्पियनसिप जित हाँसिल गरिसकेको टिम हो ।

शंखमुल फुटसल यस वर्ष पनि आफ्नो जितलाई निरन्तरता दिन आक्रामक तयारी गरिरहेको प्रशिक्षक प्रकाश परियारले जानकारी दिए । शंखमुलले प्रतियोगिताका लागि १७ खेलाडी अनुबन्ध गरिसकेको छ ।  

लिगमा १० टोलीले प्रतिस्पर्धा गर्ने छन् ।

लिगको विजेताले १० लाख प्राप्त गर्दा उपविजेताले ५ लाख पाउने एन्फाले बताईएको थियो ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको थियो ।

एन्फाले यस प्रतियोगिताबाट नेपालको राष्ट्रिय फुटसल टोली चयन गरिने जनाएको छ ।

उक्त टोलीले एएफसी फुटसल एसियन कप छनोट प्रतियोगिता खेल्ने छन् ।