५० वर्षपछि मिलवाकी एनबीए च्याम्पियन

एजेन्सी । मिलवाकी बक्सले चर्चित बास्केटबल प्रतियोगिता एनबीएको उपाधि जितेको छ ।

बुधबार भएको फाइनलमा फोनेक्स सन्सलाई पराजित गर्दै मिलवाकी च्याम्पियन बनेको हो ।

फिसर्भ फोरम एरिनामा भएको फाइनलमा मिलवाकीले फोनेक्सलाई १०५-९८ स्कोरले पराजित गर्यो ।

निकै प्रतिस्पर्धात्मक बनेको खेलको पहिलो क्वार्टरमा मिलवाकीले २९-१६ को अग्रता बनाएको थियो ।

दोस्रो क्वार्टरमा फोनेक्सले ३१-१३ को अग्रता बनायो । त्यसपछि तेस्रो क्वार्टरमा ३५-३० र चौंथो क्वार्टरमा २८-२१ को अग्रतासहित मिलवाकीले उपाधि आफ्नो बनायो ।

मिलवाकीको जितमा जियानिसले ५० स्कोर गर्दा १४ रिबाउन्ड र ५ ब्लक गरे । उनी  मोस्ट भ्यालुएबल प्लेयर बने ।

योसंगै मिलवाकीले ५० वर्षपछि एनबीएको उपाधि जितेको छ ।

यस अघि मिलवाकीले सन् १९७१ मा उपाधि जितेको थियो ।