काठमाडौं । नेपालले सहभागिता जनाउने एएफसी फुटसल एसियन कप छनोट प्रतियोगिता सरेको छ ।
एसियन फुटबल कन्फेडेरेसन (एएफसी) ले सोमबार अक्टोबरमा तय भएको छनोट प्रतियोगिता सरेको जनाएको छ ।
छनोट खेल अक्टोबर १३ देखि २४ सम्म हुने तालिका रहेको थियो । तर, कोरोना महामारीको कारण छनोट सारिएको एएफसीले जनाएको छ ।
एएफसीले छनोट प्रतियोगिता अब २०२२ को अप्रील १ देखि १५ सम्म हुने जनाएको छ ।
यस्तै एएफसीले एएफसी फुटसल एसियन कपको फाइनल चरणको प्रतियोगिताको मिति समेत सरेको जनाएको छ । अब फाइनल प्रतियोगिता २०२२ को सेप्टेम्बर २५ देखि २० सम्म हुनेछ ।
यस अघि फाइनल प्रतियोगिता २०२२ को फेब्रुवरी १६ देखि २७ सम्म हुने तय थियो ।
छनोटको लागि नेपालले गौरव बस्नेतलाई मुख्य प्रशिक्षक नियुक्त गरेको थियो ।
यस्तै एन्फाले नेपाली टिम फुटसलको 'ए' डिभिजन लिग पछि छनोट गर्ने जनाएको थियो ।
कोरोनाको कारण फुटसल लिग समेत स्थगित भईसकेको छ ।
-1732413260.jpg)
