काठमाडौं । आधुनिक ओलम्पिकको स्थापना दिवसको सम्झनामा आयोजित ओलम्पिक डे को अवसरमा नेपाल ओलम्पिक कमिटि, स्पोर्टस् फर अल कमिसनको संयोजनमा नेपालमा पनि विविध कार्यक्रमहरुको आयोजना भईरहेको छ ।
ओलम्पिक डेको अवसरमा नेपाल सुटिङ संघले आइतबार सातदोवाटोस्थित सुटिङ्ग रेञ्जमा मैत्रीपूर्ण प्रतियोगिता आयोजना गरेको छ ।
४० सट टार्गेट खेलाईएको प्रतियोगितामा उत्कृष्ट हासिल गर्ने भक्तपुरकी श्रीला रायमाझीलाई नेपाल ओलम्पिक कमिटिका अध्यक्ष जीवन राम श्रेष्ठले पुरस्कार वितरण गरेका थिए । अन्य सहभागीहरुलाई प्रमाण पत्र वितरण गरिएको थियो ।
कञ्चनपुर जिल्ला खेलकुद विकास समितिका अध्यक्ष ओम बस्नेतको प्रमुख आतिथ्यता तथा प्रदेश नम्बर ७ का ओलम्पिक डेका अध्यक्ष दान सिंह ठकुरीकाे अध्यक्षतामा अनाथाश्रम महेन्द्रनगरमा बालबालिकाहरुका लागि खाद्य सामाग्री वितरण गरिएकाे थियाे ।
यसैगरि धन्यन्तरी फुटसल, हाँडीगाउँमा रहेको ब्याडमिन्टन कोर्टमा ओलम्पिक डेका अवसरमा क्लब ५० नेपालको आयोजनमा मैत्रीपूर्ण ब्याडमिन्टन प्रतियोगिता आयोजना भएको छ । प्रतियोगितामा सहभागिहरुलाई पूर्व मन्त्री दीपक बोहराले प्रमाण पत्र वितरण गरेका थिए ।
अन्तराष्ट्रिय ओलम्पिक कमिटिसंग आवद्ध राष्ट्रहरुमा विविध कार्यक्रम गरि मनाईरहेको ओलम्पिक डे नेपालमा पनि शनिबारदेखि मनाईरहेको छ ।
५ दिन सम्म संचालन हुने ओलम्पिक डे देशको विभिन्न भागमा विविध कार्यक्रम गरि भव्यतापूर्वक मनाईने कार्यक्रम रहेको छ ।
