एजेन्सी । भारतका लिजेण्ड धावक मिल्खा सिंहको निधन भएको छ ।
कोरोना संक्रमण भएपछि चण्डीगढको एक अस्पतालमा उपचार गराईरहेका सिंहको शुक्रबार राति निधन भएको हो ।
पत्नी निर्मल मिल्खा सिंहको निधन भएको पाँच दिनपछि ९१ वर्षीय मिल्खाको निधन भएको भारतीय संचारमाध्यमले जनाएको छ ।
मिल्खा गत मे २० मा पिजीआईएमईआर अस्पतालमा भर्ना भएका थिए ।
मिल्खा एशियाली खेलकुद र कमनवेल्थ खेलकुदमा स्वर्ण विजेता खेलाडी हुन् ।
मिल्खाले सन् १९५८ मा जापानको टोकियोमा भएको एशियाली खेलकुदमा २ सय मिटर र ४ सय मिटरको दौडमा स्वर्ण जितेका थिए ।
उनले १९६२ को जकार्ता एशियाली खेलकुदमा ४ सय मिटर र चार गुणा ४ सय मिटर रिलेमा समेत स्वर्ण जितेका थिए ।
