काठमाडौं । अखिल नेपाल फुटबल संघ (एन्फा) ले पूर्व कार्यबाहक अध्यक्ष स्वर्गीय ललितकृष्ण श्रेष्ठको छैटौं पुण्यतिथिका दिन श्रदान्जली सभाको आयोजना गरि शोक मनाएको छ ।
सातदोबाटोस्थित एन्फा कम्प्लेक्स परिसरमा शनिबार एन्फाले श्रेष्ठको पुण्यतिथिमा श्रदान्जली सभाको आयोजना गरेको हो ।
श्रदान्जली सभामा एन्फा कम्प्लेक्स परिसरमा रहेको श्रेष्ठको प्रतिमामा फूलमाला माल्यार्पण गरि श्रदान्जली अर्पण गरिएको थियो ।
सभामा एन्फा अध्यक्ष कर्मा छिरिङ शेर्पा, थ्री स्टार क्लबका पदाधिकारी, खेलाडी तथा प्रशिक्षकहरुको उपस्थिति रहेको थियो ।
थ्री स्टार क्लबका अध्यक्ष समेत रहेका श्रेष्ठको करेन्ट लागेर २०७२ सालमा निधन भएको थियो ।
एन्फाले श्रेष्ठको सम्झनामा हरेक वर्ष आयोजना गर्दै आईरहेको ललित स्मृति यू–१८ फुटबल च्याम्पियनसिप गर्दै आईरहेको छ ।
