काठमाडौं । नेपालमा आयोजना भएको १३ औं दक्षिण एसियाली खेलकुद (साग) मा दोहोरो स्वर्ण पदक विजेता करातेका मन्देकाजी श्रेष्ठले जेएसएसबी पेन्डामिक अफ कोभिड रेस्कस टिमालाई स्वास्थ्य सामग्री सहयोग गरेका छन् ।
डेढ वर्षअघि घरेलु भुमिमा सम्पन्न १३ औं सागका स्वर्णधारी श्रेष्ठले मंगलबार जेएसएसबीलाई स्वास्थ्य सामग्री प्रदान गरेका छन् ।
श्रेष्ठले कोरोना महामारीको समयमा शव व्यवस्थापनमा खटिदै आएको जेएसएसबी टिमलाई राष्ट्रिय खेलकुद परिषद ( राखेप ) मा स्वास्थ्य सामग्री वितरण गरेका हुन् ।
श्रेष्ठले जेएसएस टिमका प्रतिनिधि राम प्रजापति, कृष्ण राम झकिबन्जर र अनन्त बैध्यलाई स्वास्थ्य सामाग्री वितरण गरेका हुन् ।
श्रेष्ठले ह्याण्ड स्यानीटाइजर, मास्क र सडक तथा टोलमा कोरोना लगायत कुनै पनि संक्रमण फैलिन नदिनको लागि छरिने सडक स्प्रे लगायतको स्वास्थ्य सामग्री वितरण गरिएको जानकारी दिए ।
