काठमाडौं । कोरोना भाइरसको महामारीको कारण रेस्लिङ खेलको सम्पूर्ण गतिविधि स्थगित गरिएको छ ।
नेपाल रिङ रेस्लिङ संघले एक विज्ञप्ति निकाल्दै कोरोनाको दोस्रो लहरलाई मध्येनजर गर्दै रेस्लिङ खेलको सम्पूर्ण गतिविधि स्थगित गर्ने निर्णय गरिएको जनाएको छ ।
'नेपालमा कोरोनाको दोस्रो लहर तीब्र रुपममा बढ्न थालेपछि सरकारले लकडाउन सुरु गरि सकेको अवस्था छ । फलस्वरूप हाम्रो पूर्व निर्धारित सम्पूर्ण प्रतियोगिता र नियमित कार्यक्रम, तालिम प्रभावित छन् । पहिले सबै जना सुरक्षित रहनु पर्छ भनेर उद्देश्यका साथ हामीले आफ्नो गतिबिधिहरु केहि समयका लागि स्थगित गरेका छौं ,' संघका महासचिब सुवर्ण श्रेष्ठले जारी गरेको विज्ञप्तिमा भनिएको छ ।
यस्तै संघले यो महामारी आगो जसरि फैलिरहेको कारण जटिल अवस्थामा स्वयंम् सुरक्षित रहदै र सावधानी अपनाउदै आ–आफ्नो स्थानबाट समस्यमा परेका नेपाली दाजुभाई दिदीबहिनीहरुलाई सहयोग गर्न रेस्लर, रेस्लिङ प्रेमी लगायत सम्पूर्णलाई अपिल गरेको छ ।
त्यस्तै संघले कोरोना महामारीका कारण आफ्नो गतिबिधिहरु रोक्नपरे पनि दर्शकहरुलाई मध्यनजर गर्दै संघको युट्युब च्यानल सुरु गरेको जनाएको छ ।
संघले च्यानलबाट लकडाउनको विसम परिस्थितिमा पनि दर्शकहरुले घरमै बसेर नेपाली रेस्लिङको मज्जा लिन सक्ने जनाएको छ ।
