काठमाडौं । नेपाल खेलकुद महासंघले विभागीय टिम एपीएफ र न्युडायमण्ड एकेडेमीका भलिबल खेलाडीलाई स्वास्थ्य सामाग्री वितरण गरेको छ ।
महासंघका महासचिव मेघराज पौडेल नेतृत्वको टोलीले बिहिबार खेलाडीलाई स्वास्थ्य सामाग्री वितरण गरेको हो ।
महासंघका महासचिव पौडेलले कोभिडको संक्रमणबाट बच्न खेलाडीलाई स्वास्थ्य सामाग्री वितरण गरिएको बताए ।
महासंघले कोभिड नोभिड नारा अन्तर्गत राजधानी सहित देशभरका विभिन्न स्थानमा खेलाडी तथा स्वास्थ्यकर्मीलाई स्वास्थ्य सामाग्री सहयोग गर्दै आएको छ ।
सोही कार्यक्रम अन्तर्गत महासंघले एपीएफ र न्यु डायमण्डका महिला खेलाडीसंग पुगेर स्वास्थ्य सामाग्री हस्तान्तरण गरेको हो ।
कार्यक्रममा महासंघका तर्फबाट पौडेले सहित सचिव सुनकेशरी माली, राखेप सदस्य चन्द्रबन्दना राइ. पूर्व राष्ट्रिय खेलाडीहरु निलम बज्राचार्य, रेश्मा घिमिरे, अन्जु श्रेष्ठ, सिता सेन लगायतकाे सहभागीता थियो ।
सत्तारुढ दल नेकपा निकट खेलकुद महासंघले नयाँ कमिटि गठन गरे लगत्तै खेलकुद गतिविधिलाई तिव्रता दिएको छ । यसअघि महासंघले युवा तथा खेलकुद मन्त्रालयलाई ज्ञापन पत्र बुझाउँदै खेलकुदका सम्पुर्ण संरचनालाई कोभिडविरुद्धको लडाँईमा प्रयोग गर्न अपिल गरेको थियो ।
