ओलम्पिकमा सहभागीलाई फाइजरको खोप
एजेन्सी । जापानमा आयोजना हुने टोकियो ओलम्पिक र पाराओलम्पिकमा सहभागी खेलाडी, प्रशिक्षक र प्रतिनिधिमण्डललाई फाइजरले खोप उपलब्ध गराउने भएको छ ।
अन्तराष्ट्रिय ओलम्पिक कमिटिले फाइजर खोप निर्माण कम्पनि फाइजर/बायोएनटेकसँग सम्झौता पत्रमा हस्ताक्षर गरेको छ ।
सम्झौतासँगै ओलम्पिकमा सहभागी खेलाडी, प्रशिक्षक र प्रतिनिधिमण्डलका लागि फाइजरले खोप उपलब्ध गराउने छ ।
कोरोनाको कारण एक वर्ष सरेको टोकियो ओलम्पिक जुलाई २३ देखि अगस्ट ८ सम्म हुनेछ ।
ओलम्पिकमा ३३ खेलमा प्रतिस्पर्धा हुनेछ । कुल ३ सय ३९ पदकका लागि खेलाडीले प्रतिस्पर्धा गर्ने छन् ।
कोरोनालाई मध्येनजर गर्दै जापानले उच्च सतर्कता अपनाएर खेलकुदको कुम्भमेलाको आयोजना गर्दैछ ।
टोकियो ओलम्पिकमा सहभागी खेलाडीको दैनिक कोरोना भाईरसको (पीसीआर) परिक्षण हुनेछ ।
यस्तै सहभागी खेलाडीले अनिवार्य फेस मास्क लगाउनु पर्नेछ । प्रतिस्पर्धा, प्रशिक्षण, खाने, पिउने र सुत्ने समय बाहेक अन्य समय मास्क लगाउनु पर्ने बताईएको छ ।
प्रतियोगिताका लागि आएका खेलाडीले ३ दिन क्वारेन्टिन बस्नु पर्नेछ ।
यस्तै यस पटकको ओलम्पिकमा विदेशी समर्थकलाई प्रवेश निषेध गरिएको छ ।
कोरोना भाईरसको महामारीलाई मध्येनजर गर्दै विदेशी समर्थक अनुमति नदिने निर्णय गरेको हो ।
