सरस्वती अध्यक्ष कप भलिबलमा सर्वोत्कृष्ट

तातोपानी । विभागीय टिम एपीएफ क्लबकी सरस्वती चौधरी भोटेकोशी गाउँपालिका अध्यक्ष कप राष्ट्रिय महिला भलिबल प्रतियोगितामा सर्वोत्कृष्ट खेलाडी घोषित भएकी छिन् ।

शनिबार भएको फाइनलमा एपीएफ क्लबलाई उपाधि दिलाउन उत्कृष्ट प्रदर्शन गरेकी सरस्वती सर्वोत्कृष्ट बनेकी हुन् ।

सर्वोत्कृष्ट बनेका सरस्वतीले नगद २० हजार प्राप्त गरिन् ।

एपीएफले फाइनलमा न्यु डायमण्ड स्पोर्ट्स क्लबलाई हराएर प्रतियोगिताको उपाधि जितेको थियो ।

यस्तै न्यु डायमण्डकी प्रतिभा माली उत्कृष्ट सर्भर, आर्मीकी शान्ति थारु उत्कृष्ट स्पाइकर र आर्मीकी सुनिता खड्का उत्कृष्ट ब्लकर चुनिईन् ।

न्यु डायमण्डकी सलिना श्रेष्ठ उत्कृष्ट लिबेरो, ए[एपीएफकी बिनिता बुढाथोकी उत्कृष्ट स्तर र एपीएफका महेश चौधरी उत्कृष्ट प्रशिक्षक चुनिए ।

उत्कृष्ट स्पाइकर, उत्कृष्ट सर्भर, उत्कृष्ट लिवेरो, उत्कृष्ट ब्लकर, उत्कृष्ट सेटर र उत्कृष्ट प्रशिक्षकले समान ७–७ हजार प्राप्त गरे ।