उद्घाटनमा न्यु डाईमण्ड र आर्मी भिड्ने

काठमाडौं । सिन्धुपाल्चाेककाे भोटेकोशीमा आयोजना हेन भोटेकोशी गाउँपालिका अध्यक्ष कप राष्ट्रिय महिला भलिबल प्रतियोगिताको खेल तालिका सार्वजनिक भएको छ ।

भोटेकोशी गाउँपालिकाको आयोजनामा हुने प्रतियोगिताको मंगलबार खेल तालिका सार्वजनिक गरिएको हो ।

खेल तालिका अनुसार भोलि हुने उद्घाटन खेलमा न्यु डाईमण्ड र विभागीय टिम त्रिभुवन आर्मी क्लब भिड्ने छन् ।

बैशाख ८ गतेदेखि ११ गतेसम्म हुने प्रतियोगिता गाउँपालिकाको २ वडास्थित तातोपानी आधारभूत विद्यालयको खेल मैदानमा संचालन हुनेछ ।

प्रतियोगितामा तीन विभागीयसहित ५ टिमको सहभागिता रहेको छ ।

प्रतियोगिताको विजेता टोलीले ३ लाख तथा उपविजेताले २ लाख पुरस्कार रकम प्राप्त गर्नेछ ।

त्यस्तै तृतीय हुने टोलीले १ लाख र चौथो हुनेले ५० हजार प्राप्त गर्नेछ ।

प्रतियोगिताको सर्वोत्कृष्ट खेलाडीले २० हजार प्राप्त गर्नेछ ।

प्रत्येक खेलको प्लेयर अफ दि म्याचले दुई हजार पाउने छ । प्रतियोगिताको उत्कृष्ट स्पाइकर, उत्कृष्ट सर्भर, उत्कृष्ट लिवेरो, उत्कृष्ट ब्लकर, उत्कृष्ट सेटर र उत्कृष्ट प्रशिक्षकले समान ७–७ हजार प्राप्त गर्ने छन् ।