काठमाडौ । हिमरेस्मी स्कुलले दोस्रो बागलुङ कप खुल्ला राष्ट्रिय टु ए साइड पुरुष भलिबल प्रतियोगिताको उपाधि जितेको छ ।
नयाँबसपार्कस्थित ढोरपाटनको मैदानमा भएको फाइनलमा हिमरेस्मी स्कुलले विकास छन्त्याल र नरेश छन्त्याललाई ३–१ को सेटमा पराजित गर्दै उपाधी जितेको हो ।
रोमाञ्चक खेलको पहिलो सेट २१–१५ र दोस्रो सेट २१–१८ ले हिमरेस्मीका खेलाडी राजेन्द्र विष्ट र दिल सुनुवारको जोडिले आफ्नो पक्षमा पारेका थिए ।
तेस्रो सेटमा विकास र नरेशको जोडीले ११–१९ ले हिमरेस्मीलाई हराउँदै खेलमा पुनरागमन गरे । चौथो सेट २१–१४ ले जित्दै दिलको जोडीले प्रतियोगिताको उपाधी जितेको हो ।
आईतबारनै भएको तेस्रो स्थानको खेलमा अमृत केसी र सौरभ गुरुङको जोडीलाई चित्र छन्त्याल र युवराज छन्त्यालको जोडीले २–१ को सेटमा पराजित गर्यो ।
प्रतियोगिताको विजेताले ६० हजार, उपविजेताले ३० हजार र तेस्रो हुनेले १५ हजार पाएका छन् । यस्तै, व्यक्तिगत विधागततर्फ उत्कृष्ट खेलाडी राजेन्द्र बिष्ट चुनिएका छन् ।
उनले २ हजार नगद र ट्रफीले सम्मानित भएका छन् ।
-1732534788.jpg)
