काठमाडौं । 'ए' डिभिजन राष्ट्रिय फुटसल लिग प्रतियोगिता कान्तिपुर टेलिभिजनले प्रत्यक्ष प्रशारण गर्ने भएको छ ।
फुटसल लिगको व्यवस्थापन कम्पनि टर्नपाईक इभेन्ट प्रालिले बुधबार प्रत्यक्ष प्रशारण अधिकार र डिजिटल प्रत्यक्ष प्रशारण अधिकारका लागि कान्तिपुर टेलिभिजन र ई-कान्तिपुर डटकमसँग सम्झौता गरेको छ ।
सम्झौतासँगै प्रतियोगिताको सम्पूर्ण खेलको प्रत्यक्ष प्रशारण कान्तिपुर टेलिभिजन र कान्तिपुर अन्तर्गत रहेका डिजिटल माध्यमबाट प्रत्यक्ष प्रशारण हुनेछ ।
फुटसलको 'ए' डिभिजन लिग जेठ १ देखि २२ सम्म पोखराको बहूदेशीय कभर्डहलमा संचालन हुनेछ ।
लिगको विजेताले १० लाख प्राप्त गर्दा उपविजेताले ५ लाख पाउने छन् ।
यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने छन् ।
एन्फाले सहभागी हरेक टिमलाई १ लाख उपलब्ध गराउने छन् ।
प्रतियोगिताबाट नेपालको राष्ट्रिय फुटसल टोली चयन हुनेछ ।
-1732413260.jpg)
