चितवन । बुटवल 'ए' ले मेन्स रुम रिलोडेड (एमआरआर) फुटसल प्रतियोगिताको उपाधि जितेको छ ।
चितवनको क्लब दि इभुकमा शनिबार भएको फाइनलमा काठमाडौं 'बी' लाई २-१ गोल अन्तरले हराउँदै बुटवल च्याम्पियन बनेको हो ।
बुटवलको जितमा किशोर गिरि र अंकित क्षेत्रीले एक एक गोल गरे । काठमाडौंका दिपेश मानन्धरले एक गोल फर्काए ।
एकदिने प्रतियोगिताको म्यान अफ दि सिरिज बुटवल 'ए' का गोलकिपर हिमाल कार्की घोषित भए । उनले उत्कृष्ट गोलकिपरको अवार्ड समेत हात पारे ।
सर्वाधिक गोलकर्ता निरञ्जन गैरे र उत्कृष्ट डिफेन्डर किशोर गिरि चुनिए ।
नकआउटका आधारमा संचालन भएको प्रतियोगितामा १३ टिमको सहभागिता रहेको छ ।
सामाजिक कार्यमा सक्रीय युवाहरूको सामाजिक सञ्जाल समूह एमआरआरले दोस्रो संस्करणको प्रतियोगिता चितवनमा गरेको हो ।
यस अघि पहिलो संस्करणको प्रतियोगिता पोखरामा भएको थियो ।
देश भर रहेका समूहका सदस्यहरुबीच भाईचारा स्थापना गर्ने उदेश्यले प्रतियोगिता गरिएको एमआरआरले जनाएको छ ।
सामाजिक सञ्जालमा सक्रिय यस समूहले सामाजिक कार्यहरु समेत गर्दै आईरहेको छ ।
-1732413260.jpg)
