काठमाडौं । डिफेन्डिङ च्याम्पियन विट्स एकेडेमी पाँचौं प्याब्सोक फुटसल प्रतियोगितामा बिहीबार सेमिफाइनलमा प्रवेश गरेको छ ।
निजी तथा आवसीय विद्यालय संगठन काठमाडौं (प्याब्सोक) द्वारा आयोजित प्रतियोगितामा विट्सले कान्तिपुरलाई २–१ गोलले पराजित गर्यो ।
कपनस्थित ग्रिन विस फुटसलमा भइरहेको प्रतियोगितामा त्रिनेत्र, विनायक र माउन्ट ग्लोरीले पनि सेमिफाइनलमा स्थान पक्का गरे ।
त्रिनेत्रले बोदीसदनलाई ६–२, विनायकले केभीएसलाई २–१ र माउन्ट ग्लोरीले डाफोडिललाई ३–१ गोलअन्तरले हराए ।
सेमिफाइनलमा त्रिनेत्रको भेट विनायकसंग हुने छ भने माउन्ट ग्लोरीले विट्स विरुद्ध खेल्ने छ । सेमिफाइनल र फाइनल शुक्रबार हुने छ ।
-1732712797.jpeg)
