काठमाडौं । डिफेन्डिङ च्याम्पियन विट्स एकेडेमी र केभीएसले पाँचौं प्याब्सोक फुटसल प्रतियोगितामा बुधबार विजयी सुरुआत गरेका छन् ।
निजी तथा आवसीय विद्यालय संगठन काठमाडौं (प्याब्सोक) द्वारा आयोजित प्रतियोगितामा विट्सले ग्रिन तारालाई ३–१ तथा केभीएसले पायोनियरलाई ३–० गोलले पराजित गरे ।
कपनस्थित ग्रिन विस फुटसलमा भइरहेको प्रतियोगितामा प्राक्सिस्, त्रिनेत्र, बोधी सदन, नालन्डा, फेरील्यान्ड, माउन्ट ग्लोरी, प्रस्फुटन, कान्तिपुर, सगरमाथा र मान्डुले आ–आफ्नो खेल जिते ।
प्रतियोगिताको बूढानीलकण्ठका मेयर उद्धव खरेलले एक कार्यक्रमबीच उद्घाटन गरे । तीनदिने प्रतियोगितामा ३२ छात्र टिमले लिग कम नकआउट आधारमा प्रतिस्पर्धा गरिरहेका छन् ।
शीर्ष चार स्थानमा रहने टिमले क्रमशः १० हजार, ७ हजार, ५ हजार र ३ हजार नगद पुरस्कार पाउने छन् ।
-1732413260.jpg)
