फुटबलर दिपकलाई पितृशोक

काठमाडौं । नेपाली राष्ट्रिय टिमका पूर्व खेलाडी दिपक राईलाई पितृशोक परेको छ ।

मछिन्द्र फुटबल क्लबलाई गत सिजन 'ए' डिभिजन लिग जिताउन महत्वपूर्ण भूमिका खेलेका दीपकका पिता तिलक बान्तवा राईको मंगलबार बिहान ६६ वर्षको उमेरमा निधन भएको छ ।

अखिल नेपाल फुटबल संघ (एन्फा) का बरिष्ठ उपाध्यक्ष पंकज विक्रम नेम्बाङले दिपकको पिताको निधन भएको खेलपाटीलाई जानकारी गराए ।

मनाङ मर्स्याङ्दी क्लबका पूर्व खेलाडी समेत रहेका दिपकले सामाजिक सञ्जालमार्फत बुबाको निधन भएको जनाएका छन् ।

‘बुवाले गुनासो नगरीदिनु होला, हामीले गर्नु पर्ने कुनै कसुर बाँकी राखेका थिएँनौ । बुबा हामीलाई माफ गरिदिनु होला,’ दिपकले लेखेका छन् ।

समाजसेवी तिलकको विराट मेडिकल कलेज विराटनगरमा उपचारको क्रममा निधन भएको हो ।

उनको कोरोना रिपोर्ट समेत पोजेटिभ आएको बताईएको छ ।