इंग्ल्यान्डमा ४ हजार दर्शकलाई अनुमति !

एजेन्सी । इंग्ल्यान्ड सरकारले सिमित दर्शकलाई रंगशालामा बसेर खेल हेर्ने अनुमति दिएको छ ।

इंग्ल्यान्ड सरकारले सोमबार डिसेम्बर २ पछि सिमित दर्शकलाई रंगशाला प्रवेशको अनुमति दिने निर्णय गरेको हो ।

इंग्ल्यान्डका प्रधानमन्त्री बोरिस जोनसनले इंग्ल्यान्डमा लगाईएको लकडाउन अन्त्यपछि ४ हजार दर्शकलाई रंगशाला प्रवेशको अनुमति दिने बताएका छन् ।

इंग्ल्यान्डमा डिसेम्बर २ बाट लकडाउनको अन्त्य हुँदैछ ।

तर, कम जोखिम क्षेत्रहरुमा मात्र दर्शकलाई प्रवेशको अनुमति दिईने बताईएको छ ।

कोरोना भाईरसको महामारीपछि इंग्ल्यान्डमा खेलकुद गतिविधि बन्द रंगशालामा भईरहेको छ ।

गत मार्चपछि इंग्ल्यान्डको खेलकुद गतिविधिमा दर्शकलाई निषेध गरिएको थियो ।