आयशासहित आधा दर्जन खेलकर्मी सम्मानित

काठमाडौं । नेपाल सितोरियो कराते सतुङ्गल डोजोले विभिन्न खेलका खेलकर्मीहरुलाई सम्मान गरेको छ ।

डोजोले शुक्रबार एक कार्यक्रमको आयोजना गरी विभिन्न खेलका आधा दर्जन बढी खेलकर्मीलाई सम्मान गरेको हो ।

सम्मानित हुनेमा १३ औं दक्षिण एसियाली खेलकुद सागमा दुई स्वर्ण विजेता तेक्वान्दोकी आयशा शाक्य, तेक्वान्दोका कीर्तिमानी खेलाडी दिपक बिष्ट, दिपक श्रेष्ठ, प्रकाश चन्द, भरत शाह, गजेन्द्र साउद, उत्तम बहादुर राउत र बिर कृष्ण शाही रहेका छन् ।

विगत लामो समयबाट खेलकुद जगदमा रहेर नेपाललाई राष्ट्रिय तथा अन्तराष्ट्रिय पदक दिलाउन सफल हुँदै नेपाली खेलकुद क्षेत्रमा पुर्राएको योगदानको कदर गर्दै सम्मान गरिएको डोजोले जनाएको छ ।

कार्यक्रममा उनीहरुलाई प्रमुख अतिथि रहेका उद्योग बाणिज्य तथा आपूर्ति मन्त्री लेखराज भट्ट, विशिष्ट अथिति तथा राष्ट्रिय खेलकुद परिषदका उपध्याक्ष शिव कोइराला (ज्वाला) लगायतले सम्मान पत्रद्वारा सम्मानित गरे ।