एजेन्सी । बेलायती चालक लेविस ह्यामिल्टनले सातौं पटक फर्मुला वान विश्व च्याम्पियनसिपको उपाधि जितेका छन् ।
मर्सिडिज चालक ह्यामिल्टनले आइतबार टर्किस ग्राण्ड प्रिक्सको उपाधि जित्दै सातौं पटक विश्व च्याम्पियन बनेका हुन् ।
यससँगै ह्यामिल्टनले सर्वाधिक धेरै विश्व च्याम्पियनसिपको उपाधि जित्ने खेलाडीको कीर्तिमानसँग बराबरी गरेका छन् ।
ह्यामिल्टनले जर्मनीका लिजेण्ड खेलाडी माइकल सुमाकरको नाममा रहेको ७ विश्व च्याम्पियनसिप उपाधिको कीर्तिमानसँग बराबरी गरेका हुन् ।
ह्यामिल्टनले पहिलो पटक सन् २००८ मा विश्व च्याम्पियनसिप जितेका थिए ।
त्यसपछि उनले २०१४,१५,१७, १८ र १९ मा विश्व च्याम्पियनसिप जितेका थिए ।
३५ वर्षीय ह्यामिल्टनले गत महिना मात्र सर्वाधिक धेरै फर्मुला वानको उपाधि जित्ने खेलाडीको कीर्तिमान बनाएका थिए ।
ह्यामिल्टनले माइकलकै नाममा रहेको ९१ उपाधिको कीर्तिमान तोडेका थिए ।
टर्किस ग्राण्ड प्रिक्सको उपाधि जित्ने क्रममा ह्यामिल्टनले रेसीङ पोइन्टमा सर्जियो परेजलाई पछि पारे ।
यस्तै फेरारीका सेबास्टियन भिटेल तेस्रो, फेरारीकै चार्ल्स चौंथो र म्याकलर्नका कार्लोस सैंज पाँचौं स्थानमा रहे ।
-1736609631.jpeg)
-1736605265.jpeg)
