एजेन्सी । कीर्तिमानी जमैकन धावक युसेन बोल्टले पोर्चुगिज फरवार्ड क्रिस्टियानो रोनाल्डो आफु भन्दा छिटो भएको बताएका छन् ।
स्पेनिस पत्रिका मार्कासँगको अन्तर्वार्तामा बोल्टले युभेन्ट्सका स्टार रोनाल्डो आफु भन्दा छिटो भएको बताएका हुन् ।
'निश्चित रुपमा क्रिस्टियानो म भन्दा छिटो छ,' बोल्टले भनेका छन्, 'उहाँ सधै आफ्नो खेलको शीर्षमा रहन्छन् । कडा मेहेनत गर्छन् र केन्द्रित हुन्छन् । अहिले मलाई लाग्छ उहाँ म भन्दा छिटो हुनुहुन्छ ।'
३४ वर्षीय धावक बोल्टले ट्रयाक एण्ड फिल्डबाट तीन वर्षअघि सन्यास लिएका थिए ।
इंग्ल्यान्डमा भएको विश्व च्याम्पियनसिप खेलेपछि बोल्टले ट्रयाक एण्ड फिल्डबाट सन्यास लिएका थिए ।
शताब्दीकै उत्कृष्ट धावक मानिने बोल्टले आफ्नो खेल करियरमध्ये ओलम्पिक खेलकुदमा मात्र ८ पटक स्वर्ण पदक जितेका छन् ।
बोल्ट ट्रयाक एण्ड फिल्डमा हालसम्मकै सफल धावक समेत हुन् । त्यस्तै उनको नाममा १०० मिटरमा विश्व किर्तिमान रहेको छ ।
-1736609631.jpeg)
-1736605265.jpeg)
