काठमाडौं । नेपाल भलिबल संघकी उपाध्यक्ष निरोज मास्केले कोरोनाबाट प्रभावितका लागि खाद्यान्न सहयोग गरेकी छिन् ।
उपाध्यक्ष मास्केले सडकपेटीमा रहेका सर्वसाधारणका लागि निशुल्क खाना वितरण गर्दै आएको हाम्रो टिम नेपाललाई खाद्यान्न सहयोग गरेकी हुन् ।
मास्केले आईतबार बिहान अनामनगरस्थित हाम्रो टिम नेपालको कार्यालय पुगेर खाद्यान्न हस्तान्तरण गरिन् ।
उनले सडकमा रहेको भोको पेटका लागि निशुल्क खाना वितरण गर्ने अभियानलाई सहयोग गर्न पाएकोमा खुसी ब्यक्त गरिन् ।
मास्केले यसअघि सञ्जय स्मृति फाउण्डेशनमार्फत कोरोना प्रभावित क्षेत्रमा स्वास्थ्य सामाग्री सहयोग गर्नुका साथै राहत समेत वितरण गरेकी थिईन् ।
कोरोना महामारीबाट आर्थिक संकट झेलिरहेका सयौं सर्वसाधारणलाई हाम्रो टिम नेपाल नामक संस्थाले निशुल्क खाना वितरण गर्दै आएको छ । दैनिक रुपमा सर्वसाधारणको संख्या थपिएसंगै संस्थालाई खाना वितरणमा समस्या परेको छ ।
रोगजारी गुमाएका र बिचल्लीमा परेका सर्वसाधारण रत्नपार्कस्थित बसपार्कमा लामबद्ध भएर खाना लिने गरेका छन् । भोकले सर्वसाधारण प्रभावित नहुन भन्ने उद्धेश्यले हाम्रो टिमले दैनिक साँझ र बिहान खाना बितरण गर्दै आएको छ ।
-1736609631.jpeg)
-1736605265.jpeg)
