काठमाडौं । राष्ट्रिय खेलकुद परिषद् (राखेप) को बोर्ड सदस्यमा नियुक्त भएका पुरेन्द्र विक्रम लाखे र सुवर्णा केशरी श्रेष्ठलाई ललितपुर आईटिएफ तेक्वान्दोले सम्मान गरेको छ ।
नेपाल सरकार मन्त्रीपरिषद्को असोज २९ गतेको निर्णण अनुसार राखेप बोर्ड सदस्य नियुक्त भएका लाखे र श्रेष्ठलाई ललितपुर आईटिएफ तेक्वान्दोले बिहीबार सम्मान गरेको हो ।
महालक्ष्मी नगरपालिका प्रमुख रामेश्वर श्रेष्ठले लाखे र श्रेष्ठलाई सम्मान गरेका थिए ।
सम्मान कार्यक्रममा बोल्दै नगर प्रमुख श्रेष्ठले लाखे र श्रेष्ठको नियुक्तिले खेलकुदले थप उचाई लिने विश्वास व्यक्त गरे ।
नगर प्रमुख श्रेष्ठले अन्तर्राष्ट्रिय मापदण्डको कभर्डहल बनाउने आफ्नो सपना रहेको बताउदै भने कभर्डहल बनाउनु नगरपालिकाकै सान र प्रतिष्ठाको कुरा भएको बताए ।
सम्मानपछि कराँतेका सातौं डान लाखेले आफुसँग लुभुको साईनोको प्रसंग उठाउदै भने २०४४ सालमा तौतारामा शुरु गरेको मर्सल आर्टले अहिले धेरै फड्को मारेको बताए ।
सम्मान कार्यक्रममा आईटिएफका मुख्य प्रशिक्षक अन्जुनाथ श्रेष्ठ,आईटिएफका प्रदेश ३ का अध्यक्ष उमेश राजथला,आयोजक ललितपुर आईटिएफका अध्यक्ष निलकुमार महर्जन,खेलाडी,प्रशिक्षकलगायतको उपस्थिति रहेको थियो ।
-1736609631.jpeg)
-1736605265.jpeg)
