एसियन गेम्स : कास्य भिडन्तमा रिता पराजित

काठमाडौं । इन्डोनेसियामा जारी एसियन गेम्स अन्तर्गत करातेको फाइटतर्फ नेपालकी रिता कार्की पराजित भएकी छिन् ।

शनिबार कास्य पदकको लागि भएको भिडन्तमा ६८ केजी तौल समूहमाथिका रिता पाकिस्तानी खेलाडीसंग पराजित भईन् । रितालाई पाकिस्तानकी नर्गिसले ३ - १ ले स्तब्ध बनाईन् ।

त्यसअघि रिता क्वाटरफाइनलमा चीनकी खेलाडी मिङमिङसंग ३ - ० ले पराजित भएकी थिइन् ।

यसअघि कातातर्फ नेपाली चन्चला दनुवार पनि कास्य पदकको लागि भएको भिडन्तमा थाइल्याण्डका खेलाडीसंग पराजित भएकी थिइन् ।

यस्तै पुरुषतर्फ पर्शुराम बास्तोला पहिलो चरणमै पराजित भएका थिए ।