काठमाडौं । इन्डोनेसियामा जारी एसियन गेम्स अन्तर्गत करातेमा नेपालकी चन्चला दनुवारले कास्य पदकको लागि प्रतिस्पर्धा गर्ने भएकी छिन् ।
शनिबार भएको महिला एकल काताको रिपिचेजमा उत्तर कोरियाकी खेलाडीलाई हराएर चन्चलाले कास्य पदकका लागि भिडन्त पक्का गरेकी हुन् । चन्चलाले उत्तर कोरियाकी काङ जी उइलाई ३ - २ ले हराईन् । यसअघि पहिलो चरणमा पराजित भएपनि चन्चला दनुवारले रिपिचेजको मौका पाएकी थिइन् ।
अब चन्चलाले कास्य पदकको लागि थाइल्याण्डका खेलाडीसंग खेल्ने छिन् । उक्त खेलमा जित हात पारे चन्चलाले कास्य जित्ने छिन् ।
शनिबार भएको पुरुष एकल कातामा पर्शुराम कतारका अधम हासेमसँग ५-० ले पराजित भए ।
