गौरिका र टिसा हिट चरणबाट बाहिरिए

काठमाडौं । इन्डोनेसियामा जारी एसियन गेम्स अन्तर्गत पौडीमा नेपालकी गौरिका सिंह र टिसा शाक्य हिट चरणबाट बाहिरिएकी छिन् ।

सोमबार भएको महिला १०० मिटर फ्रीस्टाइलमा गौरिका र टिसाले हिट चरण पार गर्न सकेनन् ।

दक्षिण एसियाली खेलकुदमा रजत बिजेता तथा ओलम्पियन गौरिकाले हिट चरणमा १ मिनेट ०.८२ सेकेण्डको समय निकालिन  । हिट चरणको दोस्रोमा रहेकी गौरिका छैटौं भईन् । २७ खेलाडी रहेको यो स्पर्धामा रियो ओलम्पिककी कान्छी खेलाडी गौरिका समग्रमा १८ औं स्थानमा रहिन् ।

यस्तै यसै स्पर्धामा टिसाले १ मिनेट ०३.९६ सेकेण्डको समय निकालिन । चौथो हिटमा रहेको टिसा अन्तिममा रहिन् । समग्रमा टिसा २२ औं स्थानमा रहिन् ।