काठमाडौं । आयोजक छहारी शिक्षा सदनको 'ए' टिम र अरुणोदय स्कुल चौंथो संस्करणको सीएससी कप अन्तर विद्यालय फुटसल अन्तर्गत छात्रातर्फको फाइनलमा भिड्ने भएका छन् ।
गोकर्णेश्वरस्थित मनकामना फुटसलमा भएको सेमिफाइनलमा छहारीले इस्टपोललाई २-१ गोलले पाखा लगाउदै फाइनल यात्रा तय गरेको हो ।
अर्को सेमिफाइनलमा आयोजक छहारी 'बी' लाई टाईब्रेकरमा ४-२ ले हराउँदै अरुणोदयले फाइनलमा छहारी 'ए' सँगको भेट पक्का गरेको हो ।
फाइनल खेल सोमबार हुनेछ । यस्तै इस्टपोल र छहारी 'बी' ले तेस्रो स्थानको लागि खेल्नेछन् ।
छात्रतर्फ इस्टपोल, समता, अरुणज्योति र सांग्रिलाले सेमिफाइनलमा स्थान बनाएका छन् ।
इस्टपोलले आयोजक छहारी 'बी' लाई टाईब्रेकरमा ८-७ गोल अन्तरले पराजित गर्दा समताले ब्राइटजोनलाई ४-० गोल अन्तरले पराजित गर्यो । अरुणज्योतिले मनकामनालाई २-१ ले हराउँदा संग्रिलाले छहारी 'सी'लाई ७-१ गोलले पराजित गर्यो ।
सेमिफाइनलमा अरुणज्योतिले समता तथा इस्टपोलले सांग्रिलासँग खेल्ने छन् ।
प्रतियोगितामा २२ स्कुलका छात्रतर्फ २४ र छात्रातर्फ १२ टिमको सहभागिता रहेको छ ।
प्रतियोगिताको पहिलो, दोस्रो र तेस्रो टिमले ट्रफी तथा प्रमाणपत्र प्राप्त गर्ने छन् । यस्तै छात्रा र छात्रतर्फका उत्कृष्ट खेलाडी, उत्कृष्ट गोलकिपर र उदयमान खेलाडीलाई पनि पुरस्कृत गरिनेछ । फेयर प्ले टिमलाई समेत पुरस्कृत गरिनेछ ।
-1732413260.jpg)
