काठमाडौं । आयोजक छहारी शिक्षा सदनको 'बी' टिम र इस्ट पोल स्कुल चौंथो संस्करणको सीएससी कप अन्तर विद्यालय फुटसल प्रतियोगिताको छात्रातर्फ सेमिफाइनलमा प्रवेश गरेका छन् ।
गोकर्णेश्वरस्थित मनकामना फुटसलमा बिहिबार छहारीले ब्राइट जोनलाई टाइब्रेकरमा ४-३ गोल अन्तरले पराजित गर्दै अन्तिम चारमा स्थान पक्का गरेको हो । इस्ट पोलले नव अरुणिमालाई १-० ले पराजित गर्दै सेमिफाइनलमा स्थान बनायो ।
त्यस्तै अरुणोदयले पर्ल्सलाई २-० ले हराएर अन्तिम चारको यात्रा तय गरेको छ । छात्राको अन्य खेलमा बिपुलले तारा सदनलाई ४-० , अरुणोदयले मनकामनालाई ६-० र नव अरुणिमाले बाल संसारलाई २-० गोल अन्तरले हराएको छ ।
छात्रतर्फ ब्राइट जोनले विट्सलाई ३-१ ले पराजित गर्दा सांग्रिलाले पर्ल्सलाई ५-२ गोल अन्तरले हराएको छ ।
बाल संसारले भेनसलाई २-० ले , छहारी 'सी' ले प्राक्सिसलाई ३-१ ले, ब्राइटजोनले छहारी 'ए' लाई ५-० ले , अरूण ज्योतिले कान्ती भैरबलाई ५-२ ले , इस्टपोलले माउन्ट एभेरेस्टलाई ५-२ र मनकामनाले बाल संसारलाई २-० गोल अन्लेतरले हराएको छ ।
प्रतियोगितामा २२ स्कुलका छात्रतर्फ २४ र छात्रातर्फ १२ टिमको सहभागिता रहेको छ ।
प्रतियोगिताको पहिलो, दोस्रो र तेस्रो टिमले ट्रफी तथा प्रमाणपत्र प्राप्त गर्ने छन् । यस्तै छात्रा र छात्रतर्फका उत्कृष्ट खेलाडी, उत्कृष्ट गोलकिपर र उदयमान खेलाडीलाई पनि पुरस्कृत गरिनेछ । फेयर प्ले टिमलाई समेत पुरस्कृत गरिनेछ ।
-1732413260.jpg)
