काठमाडौं । नेसनल युनाइटेड सातौं एन्जल्स हर्ट कप अन्तरविद्यालय छात्र बास्केटबल प्रतियोगितामा शुक्रबार सेमिफाइनलमा प्रवेश गरेको छ ।
नेसनल युनाइटेडले एचएचसीएलाई ४४–४० ले पराजित गर्यो । नेसनल युनाइटेडका जोनिश श्रेष्ठले उत्कृष्ट प्रदर्शन गर्दै ४० अंक जोडे ।
बीएनए, गोल्डेनपिक र आयोजक एन्जल्स हार्ट पनि आ–आफ्नो खेलमा जित हात पार्दै सेमिफाइनलमा पुग्न सफल भए । बीएनएले भ्याली पब्लिकलाई ३०–२० ले हरायो । बीएनएका सन्देश खड्काले १० स्कोर गरे ।
गोल्डेनपिकले ग्रिनफिल्डको चुनौती ३०–२५ ले पन्छायो । विजेताका प्रवेश राईले १५ स्कोर गरे । एन्जल्स हार्टले ओडिसीलाई ३२–२९ ले पाखा लगायो । एन्जल्स हार्टका प्रतीक गौली र रोशन श्रेष्ठले समान १०–१० अंक बटुले ।
